قصتان صنعانيتان أعجبت بهما
الأولى هي قصة من التراث الصنعاني
وهي عن الشتاء
صلينا على رسول الله
في احدى القرى
كان به واحد كان يشتغل ويشقى في الأرض حقه ويشتغل مع الناس
المهم كان يجمع حب وبر وذره ومواد غذائيه
لأن في زمان نادرا ما تحصل فلوس
كان كل شيء بالمقايضه
وبعدين كان يمكن مرته
ويقلها لاتطبخ الا بقليل جداً من اللي بيروحه
وتكن تخبي الباقي
وهي تسئله ليش اخبيهن ...؟
الرجال
:خبيهن للشتاء لما يجي ..
وهي تقل تمام
وهكذا
والمره ماتفهم
مع الأيام نفس الشيء روح للبيت بشويه مقاضي
قال خبيهن يامره
قالت ليش نخبيهن ..!
قال قلنا لش خبيهن لوما يجي الشتاء
وكان به واحد خاطي من جمب بيتهم
وسمع الحديث الذي دار بينهم
المهم
اليوم الثاني
ذيك الرجال اللي كان بيسمع
خلا زوج المره لما سار يطلب الله
وجاء دقدق الباب
جاوبته المره
من
قال افتحوا
قالت من أنت
قال أنا الشتاء
المره قالت راعي زوجي قد جهز لك حقك المصروف
وسارت ادت له
هذولاك البر والمصاريف اللي بيجمعهن زوجها
ههههههههههه
والرجال شلهن والهربه
رجع زوجها
وقالت له :
قد الشتاء جاء واديت له المصاريف حقه اللي قلت اخبيهن له
قلها اين شتاء واين طلي
احنا قلنا نخبيهن لفصل الشتاء لما يجي (لايام للبرد)
شلو شعر راسش
وارجع بهذل بها
وفي روايه :قالوا انو طلقها << ماعلينا يسدواهههههههههههههههههههههههههههههههههههههههههههههههههه ههههه
القصة الثانية هي قصة حدثت في جامعة صنعاء
هذه قصه يحكيها الدكتور
احمد الشامي
حق ادارة الانتاج
الله يفتح عليه
كان به واحد طالب بكلية التجاره
رسب في المواد كلهن
وبعدين
ابوه كان يشغله ليل ونهار
" يابني ويني نتيجتك .,! قد الناس كلهم استلموا نتايجهم وانت ويني حقك "
الولد مفتجع من ابوة مايقله
لويقله انهو رسب لا يقتله << مش يقتله يعني يلبجه
الولد سار جر الكشف
ومكن ابوه الورقه اللي فيها اسمه
بعدين قبال المواد كلهن مكتوب ( ض . جـ )
والطلاب الباقين كل واحد مكتوب قبال اسمه
اللي مكتوب جيد جدا
واللي مكتوب مقبول ....الخ
المهم
الاب استغرب قال ماهو هذا ياولدي وين الدرجات
قال يابه هذا معناها
ضخم جدا والاب فرح وافتخر بولده
لوما السنه الثانيه قال وين الشهاد يابني
الولد قال يابه مارضوش يدوها قالوا اني راسب
الاب جنن
وشل الكشف في جيبه وسار للجامعه
وصل لاعند الدكاتره والعميد
وبي صيح
ويني شهادة ولدي
هدئوه الدكاتره وقال له صلي على النبي مالك
قال ولدي نجح وجاء ضخم جدا
وذحين ايني شهادته ليش ترسبوه
وخرج الورقه من جيبه وبيرويهم
ابسروا هاه ( ض . ج )
ضخم جدا في كل المواد
قالوا
هذه
ضعيف جدا
معناها ان ابنك راااااسب
الاب كان عيجنن ورجع يسب ولده
ورحله
يعلم الله كيف فعل بابنه
ما رأيكم؟؟؟؟؟؟؟
